അല്ലയോ യുവത്വമേ,
എന്നെപ്പോലെ
ഒരു അനുരാഗിയായാല്
നിങ്ങള് എന്തു ചെയ്യും?
ഓരോ പകലും
ഉന്മാദത്തില് .
ഓരോ രാത്രിയും
വിങ്ങിക്കരഞ്ഞും.
ഒരു നിമിഷാര്ധത്തില് പോലും
അവന്റെ രൂപം
കണ്ണില്നിന്നും
മായാതെ ...
നീ നിന്റെ സുഹൃത്തുക്കളില് നിന്നും
അകന്നു നില്ക്കും.
നീ ഈ ലോകത്തുനിന്നു തന്നെ
വിട്ടുനില്ക്കും.
നീ നിനക്കുതന്നെ
അന്യനായ് തീരും.
നീ പൂര്ണ്ണമായി
അവന്റെത് മാത്രമാകും.
ആള്ക്കൂട്ടത്തില് നീ
എണ്ണയും ജലവും പോലെ .
പുറമേയ്ക്കു ചേര്ന്നിരുന്നാലും
ഉള്ളില് വേറിട്ടു നില്ക്കും.
എല്ലാ സ്വാര്ഥചിന്തകളും
വെടിഞ്ഞു നീയൊരു
ഉന്മാദിയാകും.
ഒരു വൈദ്യനാലും
സുഖപ്പെടുത്താനാവാത്ത
സംപൂര്ണ്ണ ഉന്മാദി!!
No comments:
Post a Comment