എന്റെ ഹൃദയം സ്നേഹത്താല്
ജ്വലിക്കുകയാണ് .
നിങ്ങളീ ജ്വാല കാണുന്നില്ലേ ?
കടലില് തിരകളെന്നപോലെ
ഹൃദയം പ്രണയത്താല്
ഇളകിമറിയുകയാണ്.
സുഹൃത്തുക്കളെനിക്കിന്നന്യരാണ്
ഞാനിന്നു ശത്രുവലയത്തില് .
എന്നാല്,ഞാന് കാറ്റിനെപ്പോലെ
സ്വതന്ത്രനാണ് .
ആര്ക്കുമെന്നെ നോവിക്കാനാവില്ല
എവിടെയായാലും ഞാനെന്റെ
സ്വന്തം ഗൃഹത്തിലാണ് .
അനുരാഗികളുടെ കൂടാരത്തിലെ
നൃത്ത സൌന്ദര്യം കണ്ണടച്ചാലു-
മെനിക്കിന്നു കാണാം
മൂടുപടത്തിനു പിന്നില് ,
പ്രണയത്താല് ഉന്മത്തനായി
കറങ്ങുന്ന ലോകത്തിന്റെ താളത്തില്
ഞാനും നൃത്തമാടുന്നു
പ്രണയികളുടെ ലോകത്തില്
പ്രജ്ഞ നഷ്ട്ടപ്പെട്ടവനായി ...
No comments:
Post a Comment